Italiya “B” seriyasining “Virtus Entella” va “Vichensa” klublari o‘rtasidagi o‘yinda futbol tarixidagi birinchi yashil kartochka ko‘rsatildi. Bu haqda iSport xabar bermoqda.
Italiyada nufuzi jihatidan “A” seriyadan keyin turadigan “B” seriya mavsumi boshlanishidan avval yangi – yashil kartochkani joriy etish taklif etildi. Qizil va sariq kartochkalardan farqli ravishda, yashil kartochka rag‘batlantirish sifatida ko‘rsatiladi.
Futbolchiga yashil kartochka u o‘yin davomida munosib xatti-harakat ko‘rsatsa, qoida buzganini tan olsa, raqib futbolchisiga yordam bersa va shunga o‘xshash Fair Play amallarini bajarsagina ko‘rsatiladi.
Futbol tarixidagi birinchi yashil kartochka “Vichensa” klubi a’zosi Kristian Galanoga ko‘rsatildi. O‘yinning 53-daqiqasida referi “Virtus” darvozasi tomon burchak zarbasi belgilagan edi, ammo Galano to‘p raqib futbolchisiga tegmaganini aytdi va burchak zarbasi bekor qilindi.
Izoh (0)