Rossiya Davlat Dumasi RF aviaguruhining Suriya hududida aniq muddatsiz joylashtirilishi to‘g‘risida Moskva va Damashq o‘rtasida tuzilgan kelishuvni ratifikatsiya qildi. Bu haqda “TASS” xabar bermoqda.
Ratifikatsiya uchun yig‘ilishda qatnashgan barcha 446 deputat ovoz berdi.
Hujjat 2015-yil 26-avgust kuni Damashqda imzolangan edi. Oradan deyarli bir yil o‘tgach, joriy yilning 9-avgust kuni u Rossiya prezidenti tomonidan parlament muhokamasiga kiritildi.
Kelishuvga muvofiq, Rossiya harbiy-havo kuchlari guruhi Suriya tomonining iltimosiga ko‘ra Lazqiya viloyatidagi Xmeymim aerodromida beg‘araz joylashtiriladi.
Izoh (0)