Xitoyning valyuta zaxiralari besh yillik minimum darajagacha qisqarib ketdi

Sentabr oyida Xitoyning valyuta zaxiralari 19 milliard dollarga qisqarib, 3,166 trillion dollarni tashkil qildi. Bu oxirgi besh yil davomida kuzatilgan minimal ko‘rsatkichdir, deb xabar beradi “TASS”.

Mamlakat valyuta zaxiralari ketma-ket uch oydan buyon qisqarmoqda — avgust va iyulda tushish tegishli ravishda 15,9 va 4,2 milliard dollarni tashkil qildi. Ekspertlar sentabr oyining oxiriga qadar zaxira hajmi 3,18 trillion dollardan pastga tushmasligini kutayotgandi, ammo jarayon tezlashib ketdi.

2015-yili yuan devalvatsiyasi tufayli valyuta zaxiralari rekord darajada — 513 milliard dollarga tushib ketdi. Shundan so‘ng Xitoy valyuta zaxiralari qisqarishda davom etmoqda.