Bugun,

  • USD 11095.31
  • RUB 173.84
  • EUR 10772.44

7-oktabr, juma kuni Markaziy saylov komissiyasining navbatdagi majlisi bo‘lib o‘tdi. Videokonferensaloqa shaklida o‘tgan majlisda okrug saylov komissiyalari, saylovda qatnashayotgan siyosiy partiyalar hamda OAV vakillari ishtirok etdi. Bu haqda “Daryo”ga O‘zbekiston Respublikasi Prezidenti saylovini yoritish bo‘yicha Respublika matbuot markazi ma’lum qildi.

Foto: UzReport

Foto: UzReport

Markaziy saylov komissiya raisi Mirzo-Ulug‘bek Abdusalomov boshqargan majlisda saylovga tayyorgarlik ko‘rish bilan bog‘liq masalalar ko‘rib chiqildi.

Majlisda jamoat tashkilotlari, OAV va boshqa fuqarolik jamiyati institutlari takliflari asosida ishlab chiqilgan O‘zbekiston Respublikasi Prezidenti sayloviga tayyorgarlik ko‘rish davrida saylovchilar huquqiy madaniyatini yuksaltirish bo‘yicha o‘tkaziladigan tadbirlar dasturi loyihasi muhokama qilindi.

Qayd etilganidek, dastur fuqarolarga milliy saylov tizimi, “O‘zbekiston Respublikasi Prezidenti saylovi to‘g‘risida”gi Qonun, so‘nggi yillarda unga kiritilgan o‘zgartish va qo‘shimchalar, shuningdek, Markaziy saylov komissiyasining saylov masalalarini tartibga soluvchi qarorlarining mazmun-mohiyati hamda saylovchilarning qonunlarda mustahkamlab qo‘yilgan huquq va erkinliklarini keng tushuntirish ishlarini olib borishni nazarda tutadi.

Targ‘ibot tadbirlari davra suhbati, seminar, uchrashuv, bevosita muloqot, konferensiya, trening shaklida, shuningdek, OAV orqali maqola, eshittirish va ko‘rsatuvlar e’lon qilish, turli risola, flayer va boshqa targ‘ibot materiallarini tayyorlash orqali amalga oshiriladi.

Dasturda nazarda tutilgan tadbirlar aholining keng qatlami, xususan, xotin-qizlar, yoshlar, ayniqsa, birinchi marotaba ovoz beruvchi fuqarolar, nuroniylar, imkoniyati cheklangan shaxslar, harbiy xizmatchilar, fuqarolarning o‘zini o‘zi boshqarish organlari, mehnat jamoalari, o‘quv muassasalari vakillari, shuningdek, xorijdagi o‘zbekistonliklarni qamrab oladi.

Majlisda, shuningdek, 7-Samarqand, 9-Surxondaryo, 11-Farg‘ona okrug saylov komissiyalari raislarining O‘zbekiston Respublikasi Prezidenti sayloviga tayyorgarlik ishlarining borishi haqidagi axborotlari eshitildi.

Majlisda Markaziy saylov komissiyasi vakolatiga taalluqli boshqa masalalar ham muhokama qilindi. Ko‘rilgan masalalar yuzasidan Markaziy saylov komissiyasining tegishli qarorlari qabul qilindi.

Izoh
Asosiy yangiliklar
Dunyo
Nikol Pashinyan va Ilhom Aliyev 31-may kuni Kishinyovda uchrashadi
Dunyo
O‘g‘lining qabri yonida yotgan ona, Toshkentda buzilayotgan binolar, metroga yashiringan ukrainaliklar — 30-may suratlari 
Mahalliy
Ozodbek Nazarbekov “Koba san’at majmuasi” MCHJning ta’sischisi ekani tasdiqlandi