Qozog‘istonning “Astana” klubida to‘p surayotgan serb futbolchisi “Manchester Yunayted” va “Roma” nazariga tushdi

Qozog‘iston Premyer-Ligasida to‘p suradigan serbiyalik futbolchi Nemanya Maksimovich faoliyatini Angliyaning “Manchester Yunayted” yoki Italiyaning “Roma” klublaridan birida davom ettirishi mumkin.

Bu haqda “Chempionat” But Football Club nashriga asoslanib xabar berdi.

“Astana” klubining 21 yoshli yarim himoyachisi Serbiya yoshlar terma jamoasi safida Yevropa chempionligini qo‘lga kiritdi va 21 yoshgacha bo‘lgan futbolchilar o‘rtasidagi Jahon Chempionatida munosib ishtirok etdi.

Uning “Astana” bilan shartnomasi 2017-yilning yozida o‘z yakuniga yetadi. U 2015-yil Sloveniyaning “Domjale” klubidan Qozog‘istonga ko‘chib o‘tgandi.