Google korporatsiyasi 12 yoshli ispaniyalikning 100 ming yevrolik qarzidan kechdi, deb yozadi “TASS”.
20 minutos gazetasi ma’lumotlariga ko‘ra, Valensiya muxtor viloyatidagi Torrevyexa shaharchasida yashaydigan bola o‘zining 15 yoshli do‘sti bilan sayt yaratib, u yerga musiqa haqida videolar joylagan. 2016-yil avgustida bolalar Google kompaniyasining kontekstli reklama servisi — AdWords’da hisob ochgan.
Yosh ispanlar uning yordamida o‘z videolariga kiritgan reklamalar uchun pul olamiz, deb o‘ylagan. Haqiqatda esa bolalar AdWords natijasida o‘z saytini rivojlantira boshlagan, buning evaziga ularga to‘lash uchun hisob chiqarib berilgan.
Google’dagilar ushbu holatni tahlil qilib chiqib, bolalardan pul olmaslikka qaror qilgan. “Ko‘plab onlayn-servislar, jumladan, AdWords ham yosh bo‘yicha cheklovlarga ega”, — deya eslatishdi korporatsiyada.
Izoh (0)