Lenovo kompaniyasi O‘zbekistondagi smartfonlari tarkibini yangi, K5 Note modeli bilan kengaytirdi. Yuqori tiniqlikdagi katta displey, kuchaytirilgan raqamli kameralar va metall korpusga ega qurilma Lenovo Vibe Shot kamerafonini eslatadi. Bu haqda “Mobinfo.uz” xabar bermoqda.
Texnik xususiyatlarga kelganda, Lenovo K5 Note 8 yadroli MediaTekHelio P10 protsessori, 5,5 dyuymli displey, Android 5.1 Lollipop operatsion tizimi bilan jihozlangan. Smartfonning tezkor va doimiy xotirasi tegishli ravishda 3 hamda 32 gigabaytga teng. Bu hajmni microSD to‘plagichi yordamida 128 gigabaytgacha kengaytirish mumkin.
Asosiy kamera 13 megapiksel va ikki karra LED-vspishka, avtofokusga, frontal kamera esa 8 megapikselga ega. Shuningdek, qurilma barmoq izlari skaneri, DolbyAtmos hajmli tovush texnologiyasi, simsiz aloqa modullari — 4G LTE, 3G HSPA+, Wi-Fi 802.11 a/b/g/n/ac, Bluetooth 4.0 va GPS bilan jihozlangan. Soatiga 3500 milliamperli akkumulyator batareyalaridan quvvat oladi.
Toshkent bozorlarida tilla rangli Lenovo K5 Note 1 million 280 ming so‘mdan taklif etilmoqda. Bu Lenovo Vibe Shot narxidan (1,4 million so‘m) biroz farqlanadi.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Izoh (0)