Vazirlar Mahkamasining 2016-yil 30-sentabrdagi qarori bilan Tayyor mahsulotlar, butlovchi qismlar va materiallar ishlab chiqarishni mahalliylashtirish dasturiga o‘zgartirishlar kiritildi, deb yozadi Norma.
Elektr texnikasi, maishiy texnika va agregatlar ishlab chiqarish bo‘yicha 18 ta yangi loyiha Dasturga kiritildi.
Mazkur dasturga kiritilgan tashkilotlar 3 yil muddatga:
- chetdan olib kelinadigan, respublikada ishlab chiqarilmaydigan texnologik asbob-uskunalar va ularning ehtiyot qismlari, shuningdek mahalliylashtiriladigan mahsulotlar ishlab chiqarish texnologik jarayonida foydalaniladigan komponentlar uchun bojxona to‘lovlaridan (bojxona rasmiylashtiruvi yig‘imlaridan tashqari);
- mahalliylashtirish loyihalari bo‘yicha ishlab chiqarilgan mahsulotlar bo‘yicha foyda solig‘idan, yagona soliq to‘lovidan (soliq solishning soddalashtirilgan tizimini qo‘llaydigan subyektlar uchun);
- mahalliylashtiriladigan mahsulotlar ishlab chiqarish uchun foydalaniladigan asosiy ishlab chiqarish fondlari bo‘yicha mol-mulk solig‘idan ozod etilgan.