Suriyaning Xama shahridagi portlashlar oqibatida 2 kishi halok bo‘ldi

Suriyaning Xama shahrida uyushtirilgan ikki portlash oqibatida ikki kishi halok bo‘ldi, 12 kishi yaralandi. Bu haqda, SANA agentligiga asoslanib, “TASS” xabar bermoqda.

Portlashlar al-Asi maydonida, al-Hadir al-Kabir tumaniga kirishda uyushtirildi. 15 daqiqada bu yerda ikki xudkush egnidagi bombani harakatga keltirib, o‘zini havoga uchirdi.

Yaralanganlar orasida SANA fotomuxbiri Ibrohim E’joj borligi aytilmoqda.