Qirg‘izistonda 001 AAA avtomobil raqami uchun 2700 dollar taklif qilishmoqda

Qirg‘izistonning nomer.srs.kg saytida chiroyli davlat avtomobil raqam belgilarining navbatdagi onlayn kimoshdi savdosi bo‘lib o‘tmoqda, deb yozadi KNews.

Bugun savdoga 09 001 AAA davlat raqami qo‘yilgan. Dastlabki narx — 70 ming som (1000 dollar).

Ushbu raqam uchun bor-yo‘g‘i ikki ishtirokchi buyurtma berdi va 6 ming somdan dastlabki to‘lovni to‘ladi.

Ayni paytda raqam narxi 184 ming som (2700 dollar)gacha ko‘tarildi.

Eslatib o‘tamiz, avvalroq Qirg‘izistonda 777 AAA davlat avtomobil raqam belgisi bo‘yicha o‘tkazilgan onlayn kimoshdi savdosi g‘olibi 1 million 716 ming qirg‘iz so‘mi (25 200 dollar) to‘lagan edi.