Futbol bo‘yicha Angliya Premyer-Ligasida 7-tur bellashuvlariga to‘liq yakun yasaldi. Mazkur turning 1-oktabr kuni bo‘lib o‘tgan o‘yinlari bilan mana shu havola yordamida tanishish mumkin.
2-oktabr kuni Xosep Gvardiola boshchilik qilayotgan “Manchester Siti” mavsumdagi ilk mag‘lubiyatini qabul qilib oldi. Bunga qadar o‘tkazilgan olti turning barchasida zafar quchgan “shaharliklar”, 7-tur Londonda mag‘lub bo‘ldi. “Tottenhem”ga qarshi mag‘lubiyat yirik ko‘rinish olishi ham mumkin edi, agar Erik Lamela 11 metrlik zarbani darvozaga aniq yo‘llaganida.
“Tottenhem” 7-turdan keyin mag‘lub bo‘lmagan yagona jamoa bo‘lib turibdi. 17 ochko jamg‘argan Maurisio Pochettino jamoasi turnir jadvalida “Siti”dan keyin ikkinchi bo‘lib turibdi.
Arsen Venger boshchilik qiladigan “Arsenal” so‘nggi daqiqalarda 3 ochkoga ega chiqdi. Himoyachi Loran Koselnining goli “to‘pchilar”ni “Liverpul”dan oldingi o‘ringa olib chiqdi.
Chempionlik uchun kurashishi tahmin qilgan “Manchester Yunayted” esa o‘z maydonida “Stok Siti”ni yenga olmadi. Bunga qadar so‘nggi o‘rinda borayotgan “chilangarlar”, “Old Trafford”dagi 1 ochkodan keyin bir pog‘ona yuqoriladi. “Yunayted”ning ahvoli esa “Chelsi”niki bilan deyarli bir xil.
Angliya Premyer-Ligasi 7-tur bellashuvlari 2-oktabr, yakshanba
“Manchester Yunayted” — “Stok Siti” 1:1
Gollar: Antoni Marsiyal, 69 (1:0). Jo Allen, 83 (1:1).“Lester” — “Sautgempton” 0:0
“Tottenhem” — “Manchester Siti” 2:0
Gollar: Aleksandar Kolarov, 9-avt (1:0). Dele Alli, 37 (2:0).Noaniq penalti: Erik Lamela, 65 (T).“Byornli” — “Arsenal” 0:1
Gol: Loran Koselni, 90+3 (0:1).
Izoh (0)