Futbol bo‘yicha O‘zbekiston Oliy Ligasida 24-turning yana bitta o‘yini bo‘lib o‘tdi. Avvalroq “Paxtakor” va “Lokomotiv” klublari Toshkent derbisini o‘tkazgan bo‘lsa, “Bunyodkor” Buxoroda ochko yo‘qotgandi.
“Nasaf”ning “Metallurg”ga qarshi o‘yini 3:0 hisobida o‘z yakuniga yetdi. Qarshi klubi legioneri Dragan Cheran dubl qayd etgan bo‘lsa, uchinchi golni bekobodliklar safidan Hikmat Hoshimov o‘z darvozasiga joylab qo‘ydi.
Mazkur g‘alabadan keyin “Nasaf” ochkolari sonini 51 taga yetkazib, “Bunyodkor” bilan tenglashib oldi. Farqi — “qaldirg‘ochlar” 1 ta kamroq o‘yinda maydonga tushgan.
Oliy Liga 24-turining qolgan besh uchrashuvi bugun — 1-oktabr kuni bo‘lib o‘tadi.
O‘zbekiston Oliy Ligasi 24-tur uchrashuvi 30-sentabr, juma