Yevroittifoq mamlakatlari Parij iqlim kelishuvini ratifikatsiya qilishga tayyor

Yevropa Ittifoqiga a’zo barcha mamlakatlar o‘tgan yil oxirida Parij iqlim sammitida qabul qilingan kelishuvni ratifikatsiya qilishga tayyorligini bildirdi. Bu haqda Yevropa kengashi raisi Donald Tusk bayonot berdi, deb xabar qiladi “TASS”.

Uning so‘zlariga qaraganda, qaror Yevropa kengashining tabiatni muhofaza qilish idoralari rahbarlari darajasida Bryusselda o‘tkazilgan navbatdan tashqari yig‘ilishida qabul qilingan.

Uchrashuvdan ko‘zlangan maqsad barcha mamlakatlar, shu jumladan, Buyuk Britaniyaning ham 2016-yil oxiriga qadar kelishuvni ratifikatsiya qilish borasidagi harakatlarini muvofiqlashtirish edi.

“Barcha vazirlar Parij kelishuvi tez orada ratifikatsiya qilinishiga yashil chiroq yoqdi”, — ta’kidladi Tusk.