Rossiyaning “Lukoyl” kompaniyasi 30-sentabr kuni “O‘zbekneftgaz” milliy xolding kompaniyasi bilan O‘zbekiston neft-gaz sohasi uchun mutaxassislar tayyorlash bo‘yicha kelishuv imzoladi. Bu haqda UzDaily xabar bermoqda.
Hujjatni “Lukoyl” tashkiliy rivojlanish va karyerani boshqarish departamenti boshlig‘i Yuriy Pixtovnikov hamda “O‘zbekneftgaz” boshqaruvi raisining birinchi o‘rinbosari Ulug‘bek Saidov imzoladi.
Kelishuv kompaniyalar o‘rtasida ta’lim va ishlab chiqarish borasidagi hamkorlik prinsip va shartlarini belgilaydi.