Aleppo viloyatida o‘tgan bir sutka davomida Suriyadagi tinchlik rejimini buzishning eng ko‘p holati qayd etildi. Bu haqda Rossiya Mudofaa vazirligi ma’lum qildi, deb yozadi “Interfaks”.
Bir sutka ichida qurollangan noqonuniy tuzilmalar tomonidan jangovar harakatlarni to‘xtatish tartibi 78 marta buzilgan.
Aleppo viloyatining Shurfa, Shkeyf, Muxeym-Xandrat aholi punktlari, “1070”, Ramusi kvartallari, “Kastello” savdo markazi, Al-Asad harbiy akademiyasi va Aleppo shahridagi sement zavodi minomyotlar, qo‘lbola baravariga o‘t ochish tizimlari, o‘qotar qurollar vositasida o‘qqa tutilgan.
Xabarda ta’kidlanishicha, Damashq viloyatida terrorchilar Xarasta, Jaubar, Arbil, Duma, Xaush-al-Fara, Xaush-Nasri, Kabun aholi punktlari, Xarasta aholi punkti tibbiy xizmat maktabi va Ibn Sino shifoxonasini o‘qqa tutgan.
Latakiya viloyatida Ayn-al-Kantara, Shir-Adaba aholi punktlari va hukumat kuchlarining Abu-Ali tog‘ hududidagi pozitsiyalari minomyot hujumiga uchragan.
Izoh (0)