Xitoyning Shansi viloyatidagi avtoyo‘l bilan ajralgan Yanxu ko‘li ikki xil rangli suv havzasiga aylandi, deya xabar bermoqda TJournal.
Jahondagi eng yirik uchta sho‘r suvli ko‘ldan biri hisoblangan va “Xitoy O‘lik dengizi” deb nom olgan Yanxuning bir qismi yorqin-pushti rangga kirdi.
Suv rangining o‘zgarishiga havzani qizil rangli ko‘rinishga keltira oladigan Dunaliella salina mitti suv o‘tlari sabab bo‘ldi.
Ma’lumot uchun, Yanxu dunyoda yagona pushti suv havzasi emas. Dakar shimoli-sharqidagi Retba, Qrimdagi Sassiq Sivash, G‘arbiy Avstraliyadagi Xilliyer ko‘li turli sabablarga ko‘ra shunday tus oladi.
Izoh (0)