Apple Londondagi yangi bosh qarorgohini Battersi sobiq ko‘mir elektr stansiyasi binosiga joylashtiradi, deya xabar bermoqda “Interfaks”. Ushbu elektr stansiyasi u yerda suratga olingan musiqiy kliplar va filmlar tufayli butun dunyoga tanilgan.
Binoning oltita qavatidagi jami 500 ming kv. fut maydonga kompaniyaning 1,4 mingga yaqin xodimi ko‘chiriladi. Apple ishchilari Battersiga Londondagi boshqa ofislardan 2021-yilda ko‘chib o‘tadi va elektr stansiyasi binosining 40 foizini egallaydi. Apple’ning Yevropadagi asosiy bosh qarorgohi Kork (Irlandiya)da bo‘lib qolaveradi, u yerda kompaniyaning 4 ming xodimi ishlaydi.
Apple vakili yangi binoga ko‘chib o‘tilishi natijasida kompaniya uchun ulkan imkoniyatlar eshigi ochilishini aytdi. Uning so‘zlariga ko‘ra, bu butun jamoa bitta joyda, shu bilan bir vaqtda ushbu tarixiy makonning yangilanishini ta’minlagan holda ishlay olishini bildiradi.
Izoh (0)