AQSh prezidentligiga Respublikachilar partiyasidan nomzod Donald Tramp Vashington Shimoliy Atlantika alyansga kiruvchi davlatlarni ular o‘z moliyaviy majburiyatlarini bajargan taqdirda himoya qilishi lozim deb hisoblaydi. U tegishli bayonotni 27-sentabr, seshanba kuni Melborn shahrida saylovchilar bilan uchrashuvida ma’lum qildi, deb yozadi “TASS”.
“NATOga kiruvchi 28 ta mamlakatdan faqat beshtasi mudofaa xarajatlari bo‘yicha o‘z majburiyatlarini bajaradi”, — deb ta’kidladi milliarder. “Menga NATO yoqadi, biroq hisoblar bo‘yicha to‘lash lozim”, — deya qo‘shimcha qildi u.
Respublikachi nomzod alyans oxirgi vaqtlarda uning bayonotlaridan so‘ng terrorizmga qarshi kurashga ko‘proq e’tibor qarata boshlaganligini ta’kidladi.
NATOga a’zo boshqa davlatlar haqida gapirar ekan, Tramp: “Biz ularni himoya qilishimizni istashadi, biroq buning uchun hisoblar bo‘yicha to‘lash lozim. Bunga ularning ko‘pchiligi qodir. Hozir esa to‘lashi lozim bo‘lgan 28 davlatdan beshtasi to‘lovni amalga oshirmoqda”, — dedi.
Izoh (0)