Qirg‘izistonda 777 AAA davlat avtomobil raqami onlayn-kim oshdi savdosi chog‘ida 1 million 716 ming somga (25200 dollar) sotib olindi. Bu haqda Zanoza xabar bermoqda.
Savdo to‘qqiz xaridor o‘rtasida to‘rt yarim soat davom etdi.
Mazkur yangilik Qirg‘iziston matbuotida noroziliklarga sabab bo‘ldi. Jumladan, Zanoza mualliflari dori uchun pul yo‘q mamlakatda oddiy avtomobil raqami bunday pulga sotilishidan hayratdaligini bildirdi.
Bu boradagi ilgarigi rekord 001 AAA raqamiga tegishli edi — u 594 ming somga (8700 dollar) sotilgan edi.
Izoh (0)