Harri Rednapp “SSKA” — “Tottenhem” o‘yinidan bir kun oldin hisob va gol muallifini to‘g‘ri topgandi

Londonning “Tottenhem” klubi sobiq bosh murabbiyi Harri Rednapp Yevropa Chempionlar Ligasi doirasidan o‘rin olgan “SSKA” — “Tottenhem” o‘yini haqida fikr bildirib, bir kun avvaldanoq hisob va golni kim urishini to‘g‘ri topgandi. Intervyu “Sports.ru” saytida e’lon qilingan.

“O‘yinda ‘shporlar’ 1:0 hisobida g‘olib chiqadi va golni Son Xyon Min uradi”, — deb tahmin qilgandi angliyalik mutaxassis. Bellashuv chindan ham “Tottenhem”ning minimal g‘alabasi bilan yakuniga yetdi va undagi yagona gol Son Xyon Min tomonidan urildi.

Rus jurnalistlari “SSKA” posboni Igor Akinfeyevning Chempionlar Ligasining ketma-ket 38 ta o‘yinidan buyon gol o‘tkazib kelayotgani borasidagi savoliga Rednapp “Demak, ertaga 39-golni o‘tkazadi”, deb javob qaytargan. Bu seriyaning to‘xtashini esa Moskvada bo‘lib o‘tadigan “SSKA” — “Bayer” o‘yinida deb tahmin qilgan.

Ma’lumot uchun, Harri Rednapp Iordaniyada terma jamoasida maslahatchi murabbiy sifatida faoliyat olib bormoqda.