Chilida ilk bor Pinochet harbiy tuzumi jinoyatlari haqidagi ma’lumotlar fosh etildi

Chili generali Augusto Pinochet diktaturasi yillarida qiynoqlarga duchor etilgan 15 nafar siyosiy mahbus ilk marta mamlakat hukumati tomonidan harbiy tuzum jinoyatlari haqidagi arxivlarning fosh etilishiga erishdi. Bu haqda “TASS” xabar bermoqda.

Hujjatlar 2054-yilga qadar “maxfiy” yorlig‘i ostida qolishi kerak edi.

Endilikda barcha o‘qishi mumkin bo‘lgan 15 ta papkada gazetadan qirqib olingan parchalar, fotosuratlar va jabrlanganlarning ular o‘g‘irlab ketilgani va qiynoqlarga duchor etilgani haqidagi ko‘rsatma va ma’lumotlar mavjud.

Hozirga qadar Siyosiy mahbuslar va qiynoqlar masalalari bo‘yicha milliy komissiya tomonidan to‘plangan materiallardan hatto harbiy tuzum yillaridagi inson huquqlarining buzilishi yuzasidan surishtiruv olib borayotgan sudyalar ham foydalana olmagan.

Hujjatlar Chili sobiq prezidenti Rikardo Lagos tomonidan 2004-yilda imzolangan qonunga muvofiq maxfiylashtirilgan edi.