Suriya muxolifati xalqaro darajadagi muzokaralarda qatnashishdan bosh tortdi

Suriyadagi muxolifat guruhlari xalqaro darajadagi tartibga solish bo‘yicha muzokaralarni ma’noga ega emas, deb hisoblaydi. Bu haqda Associated Press’ga tayanib, “Interfaks” xabar berdi.

“Joriy sharoitlardagi muzokaralar foydasiz va ma’nosiz”, — deyiladi muxolifatchi Ozod Suriya armiyasi bayonotida.

Avvalroq Buyuk Britaniya, Germaniya, Italiya, AQSh, Fransiya hamda Yevroittifoq Oliy vakili qo‘shma bayonot e’lon qilib, unda Suriya armiyasining sharqiy Aleppodagi harbiy aksiyasini nojo‘ya deb atagan va BMT Xavfsizlik Kengashini bunga nisbatan chora ko‘rishga chaqirgan edi.