O‘zbekistonda arxiv hujjatlariga mas’uliyatsiz yondashuv uchun jarima joriy etildi

O‘zbekiston Ma’muriy javobgarlik to‘g‘risidagi kodeksiga arxiv hujjatlarini topshirish, saqlash, foydalanish, shuningdek, arxiv xizmatlarini ko‘rsatish qoidalarini buzganlik uchun javobgarlik kiritildi. Bu haqda Norma xabar bermoqda. 

Yuqorida ko‘rsatilgan kamchiliklar uchun fuqarolarga eng kam ish haqining 1 dan 2 barobarigacha, xizmatchilar va mansabdor shaxslar uchun esa 2 dan 5 barobarigacha jarima ko‘zda tutilgan. 

Ma’muriy chora qo‘llanilganidan so‘ng bir yil davomida qayta sodir etilgan mazkur huquqbuzarliklar fuqarolar eng kam ish haqining 2 dan 5 barobarigacha, xizmatchilar va mansabdor shaxslar esa 5 dan 10 barobarigacha jarimaga tortilishiga sabab bo‘ladi.

Ushbu me’yor 2017-yil 23-martdan boshlab kuchga kiradi.