Ozarbayjonda mamlakat konstitutsiyasiga o‘zgarishlar kiritish bo‘yicha referendumda Toshkent vaqti bilan 13:00 ga qadar saylovchilarning 30,6 foizi yoki 1,6 million kishi ovoz berdi. Mahalliy qonunchilikka ko‘ra, saylovchilarning kamida 25 foizi qatnashgan taqdirda referendum bo‘lib o‘tgan hisoblanadi. Bu haqda "TASS" xabar bermoqda.
Mamlakat fuqarolari konstitutsiyaning 23-moddasiga kiritilayotgan tuzatishlar va yangi 6 ta moddaga munosabatlarini bildirmoqda.
Ular, jumladan, prezidentlik muddatini 5 yildan 7 yilgacha uzaytirish, davlat rahbari vakolatlarini kengaytirish, birinchi vitse-prezident va vitse-prezidentlar lavozimlarini joriy etish kabi ko‘plab masalalarni qamrab oladi.
125 okrugdagi 5267 uchastkada bo‘lib o‘tayotgan referendum Toshkent vaqti bilan 20:00 da yakunlanadi. Mamlakat markaziy saylov komissiyasi uning dastlabki natijalarini yarim tundan so‘ng e’lon qilishi kutilmoqda.
Izoh (0)