Buyuk Britaniya Yevroittifoqdan chiqqanidan so‘ng universitetlaridagi o‘qituvchilarning 15 foizidan ajralishi mumkin. Bu haqda Germaniyaning akademik almashuvlar dasturi (DAAD) prezidenti Margaret Vintermantel ogohlantirdi, deya xabar beradi “TASS”.
“Olimlarning harakatlanish imkoniyati cheklanmasligi lozim. Buyuk Britaniya hukumati buning uchun tayyorgarlik ko‘rishi talab etiladi. Yo‘qsa, mamlakat oliy ta’lim muassasalaridagi o‘qituvchilar tarkibining 15 foizdan ortig‘ini boy berish mumkin. Kelajakning mavhumligi sabab hozirning o‘zida ayrim taniqli olimlar Britaniyada ishlashdan bosh tortishiga sabab bo‘lmoqda”, — deya ta’kidladi Vintermantel.
The Guardian nashriga ko‘ra, Buyuk Britaniya universitetlarida jami 32 ming xorijiy o‘qituvchi (umumiy tarkibning 17 foizi) tahsil bermoqda. Ulardan 5,2 minggi Germaniya fuqarosi hisoblanadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)