Cessna 140 va Piper Cherokee yengil motorli samolyotlarining havoda to‘qnashib, Nyu-York shtati (AQSh), Nort-Kollins aholi punkti yaqinida qulashi tufayli 3 kishi halok bo‘ldi. Bu haqda Eri okrugi sherifi boshqarmasi ma’lum qildi, deya xabar beradi “TASS”.
Boshqarmaga ko‘ra, halokat 25-sentabr, yakshanba kuni mahalliy vaqt bilan 09:45 da ro‘y bergan. Samolyotlar aholi punktiga qadar uchib bormagan va avtoyo‘llar kesishmasi yaqinidagi maydonga qulagan.
Halok bo‘lgan uchuvchilar tajribali bo‘lgan va parvozlar bilan kamida 15 yildan beri shug‘ullangan. Fojia esa “yopiq hududlar”ga e’tibor bermaganlik tufayli sodir bo‘lgani bildirilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)