“Real”dagi o‘rnidan norizo bo‘lgan Garet Beyl o‘z agentidan “Manchester Yunayted” bilan muzokara boshlashni so‘radi

Madridning “Real” klubi a’zosi Garet Beyl o‘z agentidan “Manchester Yunayted” bilan muzokara boshlashni so‘ragani haqida “Chempionat” Goal nashriga asoslanib xabar berdi.

Ispaniya La Ligasining 5-turiga kelib “Real” o‘z maydonida “Vilyarreal”ni mag‘lub eta olmadi — 1:1. Jamoa bosh murabbiyi Zinedin Zidan uchrashuvning 77-daqiqasiga kelib Beylni almashtirib yubordi. Manbaning qayd etishicha, mutaxassisning bu qarori Beylga yoqmagan.

Avvalroq “Real” prezidenti Flarentino Peres Beylni jamoaning asosiy hujumchisiga aylantirish borasida va’da bergan, biroq u o‘z va’dasini hozirga qadar bajarmagan. Masalan, Krishtianu Ronaldu “Vilyarreal”ga qarshi to‘liq — 90 daqiqa to‘p surdi, Beyl esa o‘yin avjida almashtirib yuborildi.