Ruminiya sobiq prezidentining qizi korrupsiyada ayblanmoqda

Ruminiya korrupsiyaga qarshi kurash milliy boshqarmasi (DNA) prokurorlari notarius Ioana Beseskuga qarshi ish qo‘zg‘atdi. U mamlakat sobiq prezidenti Trayan Beseskuning katta qizidir, deb ma’lum qiladi “TASS”.

Ioana xizmat mansabini suiiste’mol qilgan holda pul yuvishda ayblanmoqda. DNA aybloviga ko‘ra, u otasining 2009-yildagi saylovoldi kompaniyasini noqonuniy moliyalashtirishda ishtirok etgan.

Mazkur ish bo‘yicha yana besh kishi javobgarlikka tortilishi mumkin. Ular orasida sobiq mintaqaviy rivojlanish va turizm vaziri, ayni paytda deputat sifatida faoliyat ko‘rsatayotgan Yelena Udrya bor. U ko‘pdan buyon korrupsiya bilan bog‘liq boshqa ishlar yuzasidan gumondor sifatida ko‘rilmoqda.