Los-Anjeles (Kaliforniya shtati, AQSh) politsiyasi aktyor Bred Pittga qarshi ish ochdi. U o‘z bolalariga nisbatan shafqatsiz munosabatda bo‘lishda gumon qilinmoqda. Bu haqda, TMZ nashriga asoslanib, “TASS” xabar bermoqda.
Ilgariroq uning rafiqasi Anjelina Joli Bred Pittdan ajralish niyatida tegishli hujjatlarni topshirgani ma’lum qilingan edi. Nashrning manbalariga qaraganda, 14-sentabr kuni oila xususiy samolyotda parvoz qilgan chog‘da Pitt to‘satdan asabiylashib, bolalarga baqira ketgan va hatto ularga nisbatan kuch qo‘llagan. Janjal samolyot qo‘nganidan so‘ng ham davom etgan.
Voqea yuzasidan ish qo‘zg‘atildi. Juftlik so‘roq qilindi.
Boshqa manbalarga ko‘ra, Bred Pittning narkotiklar va alkogol ta’sirida g‘azabga berilishi Joli to‘qigan uydirma bo‘lib, aktrisa shu yo‘l bilan eridan ajrashmoqchi.
Izoh (0)