AQSh Davlat kotibi Jon Kerri BMT Xavfsizlik kengashining Suriyaga bag‘ishlangan yig‘ilishida aholi obyektlariga aviazarbalar berilishining oldini olish va tinchlik sulhini saqlab qolish uchun mamlakat shimolida parvozlardan holi hududni tashkil etishga chaqirdi. Bu haqda “Vedomosti” xabar bermoqda.
“Suriyaning kelajagi qil ustida turibdi. Kengash a’zolarini mamlakatda tinchlik o‘rnatish borasidagi harakatlarini susaytirmaslikka da’vat etaman”, — deya ta’kidladi Kerri.
Shuningdek, Davlat kotibi Rossiya tashqi ishlar vaziri Sergey Lavrovning Suriya bo‘yicha muzokaralar oldindan qo‘yiladigan shartlarsiz o‘tkazilishi zarurligi haqidagi so‘zlariga munosabatini bildirib o‘tdi.
“O‘t ochishni to‘xtatish oldindan qo‘yilgan shart emas, xalqaro darajadagi kelishuvdir. Rossiyalik hamkasbimni tinglab, biz boshqa-boshqa dunyolarda yashayotgandek taassurot qolmoqda”, — deya e’tiroz bildirdi Kerri.
Izoh (0)