O‘zbekistonda internet foydalanuvchilar soni 13 milliondan oshdi. Bu haqda, “Gazeta.uz” xabariga ko‘ra, ICTSUMMIT 2016 da O‘zbekiston axborot texnologiyalari va kommunikatsiyalarini rivojlantirish vazirining birinchi o‘rinbosari Alisher Fayzullayev ma’lum qildi.
Alisher Fayzullayevning so‘zlariga ko‘ra, aholi punktlarining 92 foizi mobil aloqa bilan qamrab olingan, abonentlar soni 20,8 millionni tashkil etmoqda.
Xalqaro axborot tarmoqlariga ulanish tezligi soniyasiga salkam soniyasiga 35 gigabitga yetgan (2015-yil oxirida soniyasiga 26,4 Gbit edi).
Magistral telekommunikatsiya tarmog‘i xalqaro va tumanlar darajasida 10, viloyatlar darajasida 4 marotaba kengaytirildi.
Raqamli radioreleli va optik tolali aloqa liniyalari uzunligi 23,4 ming kilometrni tashkil etdi.
Alisher Fayzullayev tarmoqda erishilgan muvaffaqiyatlarga qaramay, mamlakatda telekommunikatsiya infrastrukturasi rivojlanishi yanada ko‘proq sur’atlarni talab etishini ta’kidladi.
Izoh (0)