Yaponiyaning Adventure World hayvonot bog‘ida katta panda bolasi dunyoga keldi. Shu tariqa 2014-yildan beri hayvonot bog‘ida 15 ta panda tug‘ildi, deya xabar bermoqda “Interfaks”.
“Chaqaloq”ning bo‘yi 24 santimetr, og‘irligi 197 gramm ekanligi va onasi — 16 yoshli Rauxin kabi o‘zini yaxshi his etayotgani ma’lum qilinmoqda. U Rauxinning hisob bo‘yicha sakkizinchi bolasi.
EFE agentligiga ko‘ra, Vakayama prefekturasidagi hayvonot bog‘i aynan yo‘qolish xavfi ostidagi pandalarni tutqunlikda ko‘paytirish dasturi bilan tanilgan. Dastur Xitoy rasmiylari bilan hamkorlikda amalga oshirilmoqda.