16-sentabr kuni O‘zbekistonning aksariyat hududlarida kuchli shamol kuzatilishi mumkin. Bu haqda “O‘zgidromet” markazi xabar bermoqda.
Xabar berishlaricha, 16-sentabrga o‘tar kechasi O‘zbekistonning tog‘li hududlarida havo harorati +10...+15 daraja, Toshkent, Samarqand, Jizzax, Sirdaryo viloyatlari va Toshkent shahrida +13...+18 daraja, Qoraqalpog‘iston Respublikasi, Xorazm, Buxoro, Navoiy viloyatlarida +15...+20 daraja, Qashqadaryo, Surxondaryo, Andijon, Namangan, Farg‘ona viloyatlarida +16...+21 daraja iliq bo‘ladi.
Juma kuni kunduzi mamlakatning tog‘li joylarida havo harorati +16...+21 daraja, Qoraqalpog‘iston Respublikasi va Xorazm viloyatida +23...+28 daraja iliq, Farg‘ona vodiysi viloyatlarida +27...+32 daraja, qolgan barcha hududlarda, xususan, Toshkent shahrida +35 darajagacha issiq bo‘lishi kutilmoqda.
16-sentabrga o‘tar kechasi va 16-sentabr kuni kunduzi Toshkent shahridan boshqa barcha hududlarda shamolning tezligi soniyasiga 15—20 metrgacha kuchayishi mumkin. Qoraqalpog‘iston Respublikasi va Xorazm viloyatining ayrim hududlarida qisqa muddatli yomg‘ir yog‘ishi ehtimoli bor.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)