AQSh prezidentligiga Demokratlardan nomzod Hillari Klinton raqibi — Donald Tramp tarafdorlarining yarmini “ayanchli” deb ta’riflagani uchun kechirim so‘radi. Bu haqda, CNN’ga asoslanib, “Gazeta.ru” xabar bermoqda.
Ilgariroq Klinton Tramp tarafdorlarining yarmi ayanchli irqchi va ksenofoblar ekanligini aytgan edi. U bunday odamlar tuzalmasligini, ularni AQShning bir qismi deb atab bo‘lmasligini ham ta’kidlagan edi.
“O‘tgan kecha men biroz qo‘pol bo‘ldim, bu yaxshi emas. Men ‘yarmi’ deganimdan afsusdaman — bunday emas”, — ma’lum qildi Klinton xonim.
Bunga javoban Tramp Klinton asl his-tuyg‘ularini — “millionlab amerikaliklarga nisbatan nafratini” ko‘rsatganini aytdi.
Ilgariroq Tramp Klinton 20 ming kishi oldida qotillik qilsa ham jazosiz qolishini aytib o‘tgan edi.
Izoh (0)