Samsung kompaniyasi portlash xavfi tufayli, Galaxy Note 7 smartfonlaridan samolyotlarda foydalanmaslik so‘ralgan xabarlardan so‘ng, o‘z bozor qiymatining 10 milliard dollarini yo‘qotdi, deb yozadi “Hi-tech.mail.ru”.
9-sentabr kuni Koreya birjasida Samsung aksiyalari 3,9 foizga arzonlashib ketdi.
Eslatib o‘tamiz, AQSh aviatsiyani tartibga solish boshqarmasi yo‘lovchilarni samolyotda Samsung Galaxy Note 7 smartfonini ishlatish yoki quvvatlantirish xavfi haqida ogohlantirdi.
Avvalroq Avstraliya aviakompaniyalari yo‘lovchilarga Galaxy Note 7 smartfonidan bortda foydalanishni man etgandi. AQShda esa salonida Galaxy Note 7 smartfoni portlab ketgan yo‘ltanlamas yonib ketdi.
Galaxy Note 7 savdosi AQShda 16-avgust kuni boshlangan edi. Smartfonlar qaytarib olinishi va sotuv to‘xtatilishi haqida esa 2-sentabrda e’lon qilindi.
Izoh (0)