AQSh va Rossiya Suriyada zo‘ravonlikka chek qo‘yishga imkon beradigan va muzokaralar uchun yo‘l ochadigan qo‘shma reja tuzilganini e’lon qildi. Bu haqda “Kommersant” xabar bermoqda.
“Bugun AQSh va Rossiya zo‘ravonlik, musibatlarga chek qo‘yib, Suriyada tinchlik muzokaralari va mojaroni bartaraf etishiga biz umid qilayotgan reja haqida e’lon qilmoqda. Agar u to‘liq bajarilsa, o‘ziga xos burilish nuqtasiga aylanadi. Aniq harakatlar amalga oshirilmasa, qog‘ozdagi kelishuvlar hech qanday ahamiyatga ega bo‘lmay qoladi”, — deya ta’kidladi AQSh Davlat kotibi Jon Kerri. Jenevada rossiyalik hamkasbi Sergey Lavrov bilan 14 soat davom etgan muzokaralardan so‘ng.
Moskva va Vashington Suriyadagi mojaroning barcha tomonlarini 12-sentabrdan boshlab o‘t ochishni to‘xtatish majburiyatini olishga chaqirmoqda. Tomonlar Suriya qurolli kuchlari ham jangovar harakatlarini to‘xtatishi to‘g‘risida kelishib oldi.
Izoh (0)