Bakitjan Sagintayev Qozog‘istonning yangi bosh vaziri etib tayinlandi. Bu haqda, Qozog‘iston prezidenti Nursulton Nazarboyevning matbuot xizmatiga asoslanib, “RBK” xabar bermoqda.
Avvalroq, 8-sentabr kuni Nazarboyev hukumatning sobiq rahbari Karim Masimovni iste’foga chiqargan, Sagintayev esa bosh vazir vazifasini vaqtincha bajaruvchi bo‘lib turgan edi.
Bosh vazir etib tayinlanuviga qadar, Sagintayev 2014-yildan beri Masimov hukumatida bosh vazirning birinchi o‘rinbosari lavozimida ishlab kelayotgan edi.
Nazarboyev bosh vazirlikdan olingan Masimovni Qozog‘iston Milliy xavfsizlik qo‘mitasi raisi etib tayniladi. Masimov 2007—2012-yillarda va 2014-yildan beri hukumatga rahbarlik qilayotgan edi.
2012—2014-yillarda Karim Masimov Qozog‘iston prezidenti ma’muriyatiga rahbarlik qilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.