Amerikaning Ford Motors avtomobil ishlab chiqaruvchisi yon eshiklar qulfidagi nosozlik tufayli Shimoliy Amerikadan 2,3 milliondan ortiq avtomobilini chaqirib oladi. Kompaniya saytida chop etilgan xabarda ta’kidlanishicha, nosozlik tufayli eshiklar harakatlanish davomida ochilib ketishi mumkin, deb yozadi “RIA Novosti”.
Ma’lum qilinishicha, eshik qulfidagi nosozlik yo‘lovchilarning shikastlanishi xavfini oshiradi. Kompaniya mazkur muammo tufayli shikastlangan bo‘lishi mumkin bo‘lgan uch nafar jabrlanuvchi haqida ma’lumot olganligini ta’kidlamoqda.
Avtomobillarni chaqirib olish AQSh, Kanada va Meksika kabi davlatlardagi Ford Focus (2012—2015-yillar), Ford Mustang (2015-yil), Ford C-MAX va boshqa bir qator modellarga daxldordir.