Yangi iPhone’lar taqdimoti, naqd pulsiz demokratiya, bosh vazirlar iste’fosi va kunning boshqa muhim yangiliklari

8-sentabrning e’tiborga molik yangiliklari — “Daryo”ning kechki dayjestida.

1. O‘zbekiston Prezidenti vazifasini bajarish Shavkat Mirziyoyev zimmasiga yuklatildi. Senat raisi Nig‘matilla Yo‘ldoshev Prezident vazifasini bajarishni bosh vazir Shavkat Mirziyoyevning zimmasiga vaqtincha yuklash to‘g‘risidagi taklif bilan murojaat qildi.

2. Nursulton Nazarboyev Qozog‘iston bosh vazirini iste’foga chiqardi. Karim Masimov endi Qozog‘iston Milliy xavfsizlik qo‘mitasiga rahbarlik qiladi.

3. Armaniston bosh vaziri iste’foga chiqishini ma’lum qildi. Abramyan iste’foga chiqish haqidagi qarorini davlatni boshqarishda yangicha yondashish zarurligi bilan izohladi.

4. Estoniya prezidenti demokratiya uchun naqd puldan voz kechishga chaqirdi. Ilvesning fikricha, demokratiya zaif davlatlarda korrupsiya gullab-yashnamoqda, bunda esa naqd pul muhim o‘rin tutadi.

5. iPhone 7 va 7 Plus smartfonlari rasman taqdim etildi. Yangi qurilmalarning narxlari ham ma’lum.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.