Belarus terma jamoasi a’zolaridan biri Rio–2016 Paralimpiya o‘yinlari ochilish marosimida Rossiya bayrog‘ini ko‘tarib chiqqani uchun Xalqaro paralimpiya qo‘mitasi (XPQ) ushbu mamlakat delegatsiyasiga nisbatan surishtiruv ishlarini olib boradi. Bu haqda “Sport.tut.by” xabar bermoqda.
Belarus delegatsiyasining erkak a’zosidan Rossiya bayrog‘ini olib qo‘yishgunicha u bir necha 10 metr yurishga erishdi. XPQ qoidabuzarning shaxsini aniqladi. Endi unga nisbatan intizomiy choralar ko‘rilishi kutilmoqda.
Xalqaro paralimpiya qo‘mitasi Xalqaro antidoping agentligi (WADA)ning mustaqil komissiyasi rahbari Richard Maklaren tomonidan sportdagi doping haqida taqdim qilingan hisobotidan so‘ng 35 nafar rossiyalik imkoniyati cheklangan sportchilarni xalqaro musobaqalardan chetlatishga qaror qilgandi.
23-avgust kuni Sport arbitraj sudi (CAS) Rossiya paralimpiya termasiga 7–18-sentabr kunlari Rio-de-Janeyroda bo‘lib o‘tadigan Paralimpiya o‘yinlarida ishtirok etish uchun Xalqaro paralimpiya qo‘mitasining rossiyaliklarga nisbatan qo‘llagan qaroriga apellyatsiyasini qoniqtirmagan edi.
Shundan so‘ng Belarus milliy paralimpiya qo‘mitasi raisi Oleg Shepel Paralimpiya o‘yinlarining ochilish marosimida nafaqat Belarus, balki Rossiya bayrog‘i ham ko‘tarilishi haqida aytib o‘tgandi. Biroq XPQ Belarus termasiga bu ishni amalga oshirishni taqiqlagandi.
Izoh (0)