Makedoniyada 6-sentabr, seshanba kuni kichikroq xususiy samolyotning qulashi oqibatida olti nafar italiyalik fuqaro halok bo‘ldi. Bu haqda Rai News 24 telekanali ma’lum qildi, deya xabar bermoqda “TASS”.
Telekanalning ma’lum qilishicha, Germaniyada ro‘yxatdan o‘tgan Piper PA-34-200T samolyoti Trevizo shahri aerodromidan parvoz qilib, Prishtinaga (Kosovo) yo‘l olgan va Veles shahri (Makedoniyaning markaziy qismi) atrofida qulagan.
Aviahalokatga yomon ob-havo sharoiti sabab bo‘lishi mumkinligi ta’kidlanmoqda.