5-sentabr kuni yangi — “Toshkent — Andijon” elektrlashtirilgan temiryo‘li bo‘ylab yo‘lovchi poyezdlarning muntazam qatnovi boshlandi. Bu haqda ijtimoiy tarmoqlarda foto- va videoxabarlar qoldirilgan.

Foto: Bahodir Mirzayev

Foto: Bahodir Mirzayev

“Potrebitel.uz” guruhida qoldirilgan xabarlarga ko‘ra, 8:05 da Toshkentdan yo‘lga chiqqan poyezd 14:05 da Andijonga yetib borgan. Yo‘l davomida Pop, Qo‘qon va Marg‘ilon shaharlarida to‘xtagan.

Poyezd 15:25 da Andijonda yo‘lga chiqib, 21:25 da Toshkentga yetib keladi. Foydalanuvchilar poyezdning tezligi soatiga 112 kilometrga yetganini ko‘rsatuvchi skrinshotni ilova qilgan; qayd etishlaricha, poyezd yo‘lning aksariyat qismida soatiga 90 kilometr tezlikda harakatlangan.

Foto: “Potrebiteli.uz”

Foto: “Potrebiteli.uz”

Foydalanuvchilar poyezdning biznes-klassi salonidan fotosuratlarni ham ulashgan. Ularda qulay o‘rindiqlarni, hatto yosh bolalar uchun mo‘ljallangan maxsus o‘rinlarni ko‘rish mumkin.

Poyezdda yegulik va ichimliklar sotib olish mumkin, shunga qaramay, foydalanuvchilar poyezdning bo‘lajak yo‘lovchilarini o‘zi bilan yegulik olishga chaqirgan. Bu poyezdda tamaki chekish va spirtli ichimliklar ichish taqiqlangan.

“Umuman olganda, a’lo darajadagi poyezd, ajoyib sayohat!”, — deb fikr bildirgan “Potrebitel.uz”ning poyezd xizmatidan foydalanishga ulgurgan foydalanuvchilari.

“Potrebiteli.uz” sayti ma’lumotlariga ko‘ra, “Toshkent — Andijon” poyezdining ekonom-klassi chiptalari 45 ming so‘m, biznes-klass chiptalari narxi esa 68 ming so‘mga teng. VIP-klass chiptalari narxi 130 ming so‘m to‘lash kerak.

Video

Foto

Foto: Bahodir Mirzayev

Foto: Bahodir Mirzayev

Foto: “Potrebiteli.uz”

Foto: “Potrebiteli.uz”

Foto: Bahodir Mirzayev

Foto: Bahodir Mirzayev

Foto: Bahodir Mirzayev

Foto: Bahodir Mirzayev

Foto: Bahodir Mirzayev

Foto: Bahodir Mirzayev

Foto: “Potrebiteli.uz”

Foto: “Potrebiteli.uz”

Foto: “Potrebiteli.uz”

Foto: “Potrebiteli.uz”

Foto: “Potrebiteli.uz”

Foto: “Potrebiteli.uz”

Foto: “Potrebiteli.uz”

Foto: “Potrebiteli.uz”

“Angren — Pop” elektrlashtirilgan yangi temir yo‘l liniyasi orqali “Toshkent — Andijon” yo‘nalishidagi birinchi yo‘lovchi poyezdi 27-avgust kuni harakatlangan edi. “Angren — Pop” elektrlashtirilgan yangi temir yo‘l liniyasi orqali yuk poyezdlarining o‘tishi esa 11-iyulda boshlangan. Qamchiq dovonidan o‘tgan temiryo‘l tunneli bo‘ylab harakatga esa 22-iyun kuni O‘zbekistonning Birinchi Prezidenti Islom Karimov Xitoy rahbari Si Szinpin bilan birgalikda start bergan edi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.