Shu hafta boshida Tojikiston harbiy xizmatchilarining mobil telefonlariga sobiq Tojikiston IIV xodimi, IShIDning yangi harbiy rahbari etib tayinlangan Gulmurod Halimov nomidan SMS-xabarlar kela boshladi. Bu haqda, Reuters’ga asoslanib, “RBK” xabar bermoqda.
Halimov o‘z xabarnomalarida Tojikistonni mustaqillikning 25 yilligi bilan “tabriklash”ga va’da berdi.
Tojikistonning mustaqillik bayrami 9-sentabr kuni nishonlanadi.
O‘tgan yili tojikistonlik sobiq polkovnik mamlakatdan qochib ketib, IShID saflariga qo‘shilgan edi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)