Nikaraguada mikrotsefaliyaga chalingan bolaning tug‘ilishi bilan bog‘liq ikkinchi holat qayd etildi. Bu haqda mamlakat hukumatining rasmiy vakili Rosario Murilyo ma’lum qildi, deya xabar bermoqda “RIA Novosti”.
Uning so‘zlariga qaraganda, chaqaloqning 26 yoshli onasida avvalroq Zika virusi aniqlangan. Biroq hozircha mutaxassislar mikrotsefaliya va ushbu tashxis o‘rtasidagi to‘g‘ridan-to‘g‘ri bog‘liqlikni aniqlagani yo‘q.
Mikrotsefaliya bilan bog‘liq birinchi holat Nikaraguada avgust oxirida qayd etilgan edi. Shundan so‘ng Zika bezgagiga chalingan yana 14 nafar homilador ayol sog‘lom bolalarni dunyoga keltirgan.
Nikaraguada yil boshidan buyon Zika bezgagini yuqtirib olish bilan bog‘liq 2,7 mingdan ortiq holat qayd etilgan.
Izoh (0)