Janubiy Sudan hukumati o‘z hududida BMT tinchlikparvarlarining qo‘shimcha kontingentini joylashtirish haqida qaror qabul qildi. Bu haqda vazirlar mahkamasi ishlari bo‘yicha vazir Martin Elia Lomoro ma’lum qildi, deya xabar bermoqda “Gazeta.ru”.
“Milliy birlik o‘tish hukumati mintaqaviy kuchlarni joylashtirishga roziligini beradi”, — dedi u.
Uning so‘zlariga qaraganda, mamlakat hududiga tinchlikparvarlarni joylashtirishning tafsilotlarini yaqin vaqt ichida muhokama qilish rejalashtirilmoqda.
Avvalroq Janubiy Sudan prezidenti ming nafar BMT tinchlikparvarini joylashtirish bo‘yicha muloqotga tayyor ekanligi ma’lum qilingan edi.