Google kompaniyasi oktabr boshida yangi qurilmalar taqdimotini o‘tkazadi, bular Pixel brendi ostidagi ikkita smartfon, Chromecast mediapleyeri va Google Home “aqlli” yordamchi yangilanmasi hamda, ehtimol, VR-shlem, deya xabar bermoqda “Hi-tech.mail.ru” Android Police’ga tayanib.
Internetda Google Nexus brendidan Pixel foydasiga voz kechishni rejalashtirayotgani haqida anchadan buyon mish-mishlar yuribdi. Bu nom ostida Chromebook Pixel noutbuki va Pixel C plansheti chiqib bo‘lgan.
Google ushbu lineykani kengaytirmoqchi va, mish-mishlarga ko‘ra, ikkita — Pixel va Pixel XL smartfonlarini taqdim etishni ko‘zlamoqda. Ba’zi ma’lumotlarga ko‘ra, ushbu qurilmalar HTC va Huawei bilan hamkorlikda Sailfish va Marlin shartli nomlari ostida ishlab chiqilmoqda.
Shuningdek, Google kompaniyasi yangilangan Chromecast Plus (Ultra) mediapleyerini taqdim etishi kerak, undagi asosiy yangilik — tasvirning 4K sifatli bo‘lishidir. Bundan tashqari, Google Home uy yordamchisining yakuniy versiyasi ham namoyish qilinishi mumkin.
Izoh (0)