AQSh prezidenti Barak Obama uning ma’muriyati turk rasmiylariga davlat to‘ntarishiga urinishni tashkillashda aybdorlarni javobgarlikka tortishni ta’minlashga tayyor ekanligini bildirdi. Bu haqda “RIA Novosti” xabar bermoqda.
O‘z navbatida, Turkiya prezidenti Rajab Toyyib Erdo‘g‘on uning mamlakati AQShga Anqara to‘ntarishga urinishni tashkillashda ayblayotgan Fathulloh Gulenga oid yangi materiallarni taqdim etish niyatida ekanligini ma’lum qildi. Shuningdek, Erdo‘g‘on AQSh va Turkiya qaysi guruhlarni terrorchi tashkilot sifatida sanash yuzasidan umumiy qarashni shakllantirishi zarurligini ta’kidladi.
Obama va Erdo‘g‘onning uchrashuvi Xanchjoudagi (Xitoy) G20 sammiti doirasida bo‘lib o‘tdi. Bu ikki mamlakat yetakchilarining Turkiyada joriy yil iyulida bo‘lib o‘tgan to‘ntarishga urinishdan keyingi ilk muzokaralari bo‘ldi.
Izoh (0)