Tojikiston prezident Emomali Rahmon O‘zbekiston xalqiga hamdardlik telegrammasini yo‘lladi. Bu haqda davlat rahbari saytida ma’lum qilindi, deya xabar beradi “Gazeta.uz”.
“Islom Abdug‘aniyevich mamlakat mustaqillikka erishganidan so‘ng uning rivojlanishida butun bir davrni belgilab bergan buyuk davlat arbobi sifatida o‘zbek xalqi tarixidan mustahkam joy oldi. Zukkoligi, uzoqni ko‘ra bilishi tufayli yuksak nufuzga ega bo‘ldi va keng ko‘lamli siyosatchi tarzida mamlakatdan tashqarida ham katta obro‘ qozongandi.
Ushbu og‘ir lahzalarda do‘st o‘zbek xalqi, Islom Abdug‘aniyevichning barcha yaqinlariga samimiy hamdardlik yo‘llaymiz va qayg‘ulariga sherik ekanligimizni bildiramiz”, — deyiladi telegrammada.
Izoh (0)