Ekvadorning Guayas provinsiyasi, Playas qishlog‘idagi maktablardan birida ro‘y bergan portlash oqibatida kamida bir kishi halok bo‘ldi, 13 kishi yaralandi. Bu haqda “TASS” xabar bermoqda.
Mamlakat ichki ishlar vaziri Xose Serranoga ko‘ra, o‘quv yurti hududida o‘quvchilardan biri o‘zi bilan olib kelgan qo‘l granatasi portlagan.
“Hodisa tafsilotlar o‘rganilmoqda. Jabrlanganlar kasalxonaga yotqizildi. O‘quvchini bunday hatti-harakatga nima undagani va u granatani qanday qo‘lga kiritgani hozircha ma’lum emas”, — ta’kidladi vazir.
Izoh (0)