Futbol bo‘yicha 2018-yil Rossiyada bo‘lib o‘tadigan Jahon Chempionati uchun harakat qilayotgan Yaponiya va BAA terma jamoalari 3-saralash bosqichining 1-turida kunchiqar yurtda to‘qnash keldi.
Uchrashuvda hisob Xondaning goli bilan ochilganiga qaramay, yakunda yaponiyaliklar ustunlikni saqlab qola olmadi. Ahmad Halil tomonidan qayd etilgan dubl BAA termasiga 1-turning sensatsion g‘alabasini taqdim etdi.
“B” guruhidagi ilk o‘yinda Avstraliya termasi Iroq ustidan 2:0 hisobida zafar quchgandi. Guruhdagi uchinchi o‘yin Toshkent vaqti bilan 22:30 da start olib, Saudiya Arabistoni o‘z maydonida Tailandni qabul qiladi.
Yaponiya 2-turni 6-sentabr kuni Tailandda o‘tkazsa, BAA shu kuni o‘z maydonida Avstraliyani qabul qiladi.
JCh—2018 3-saralash bosqichi 1-sentabr, payshanba
Izoh (0)